12 ივნისი
გერმანული ჯარი საქართველოში
მარო დღიურში გერმანული ჯარის შემოსვლასა და აღლუმს აღწერს. პატრიოტული გრძნობებით განმსჭვალული 17 წლის მარო წუხს, რომ საქართველო ბოლომდე ვერ გათავისუფლდა და ,,ერთი ბატონის” თავიდან მოშორების შემდეგ, ,,ახალი უღელი” დაიდგა.
1918 წელი
შალვა მაყაშვილი ომში სანიტრად წავიდა
მაროს ძმა - შალვა სანიტრად წავიდა სომხეთ-საქართველოს ომში.
1919 წელი
გიმნაზიის დასრულება
1919 წელს დაასრულა ქალთა ქართული გიმნაზია.
1919 წელი
უნივერსიტეტში ჩაბარება
ჩააბარა ქართულ უნივერსიტეტში, სიბრძნისმეტყველების ფაკულტეტზე.
1919 წელი
შევარდენის წევრი
იყო ,,ქართული ტან-ვარჯიშობის საზოგადოება შევარდენის” წევრი. სპორტში მისმა, როგორც ქალის გამოჩენამ, დიდი მითქმა-მოთქმა გამოიწვია. ქალის სპორტით დაკავებას ეწინააღმდეგებოდა მაროს ერთ-ერთი მეგობარი. მამა, კოტე მაყაშვილი, კი მაროს ამ საკითხში მხარს უჭერდა და მოწინააღმდეგეებს ლათინური გამოთქმით პასუხობდა: ,,ჯანსაღ სხეულში ჯანსაღი სულია”.
17 თებერვალი
წითელ ჯვარში გაერთიანება
ჩაეწერა წითელ ჯვარში მოწყალების დად.
17 თებერვალი
კოჯორში წასვლა
წავიდა კოჯრისკენ სანიტარულ რაზმთან ერთად.
19 თებერვალი
მაროს შეხვედრა დეპუტატებთან ფრონტზე
დაღუპვამდე ცოტა ხნით ადრე, ქრისტინე შარაშიძეს, სხვა დეპუტატებთან ერთად, მარო მაყაშვილი უნახავს. მუხლებზე დაყრდნობილი მარო ფეხზე ჭრილობას უხვევდა სტუდენტ პავლე ბეშკენაძეს. ზუსტად ეს დღე აღმოჩნდა საბედისწერო როგორც მაროსთვის, ასევე, სტუდენტი ბეშკენაძისთვის. ამ დღეს, ორივე მათგანი ფრონტზე დაიღუპა.
თებერვალი
წერილი ფრონტიდან
სიკვდილამდე ცოტა ხნით ადრე, მან მამას წერილი მისწერა, რომელშიც ცოტა თხილისა და ტკბილეულის გამოგზავნა სთხოვა.
წერილი ფრონტიდან: „…საყვარელო მამა! მე ჯერჯერობით კარგად ვარ. სულ ერთი პოზიციისგან 112 ვერსზე ვართ, მეორისგან 5 თუ 7-ზე. მტერი ჯერ შორს არის, ძალიან სცხებენ ჩვენები. ძალიან აღფრთოვანებულები არიან. ცოტა თხილი და თუ შესაძლებელია, რამე ტკბილეული გამოგზავნეთ… თავს გაუფრთხილდით. გკოცნით ბევრს. ისე არა ცივა. მოკითხვა ყველა ჩვენებს. ნუ გეშინიანთ. გავიმარჯვებთ სახელოვნად.
შენი მარო".
1921 წელი
მამის ლექსი ,,მაროს"
მამამ - კოტე მაყაშვილმა, შვილის გარდაცვალების შემდეგ, მას ლექსი ,,მაროს" მიუძღვნა.
1921 წელი
რაჟდენ გვეტაძის ლექსი მაროს
რაჟდენ გვეტაძემ მაროს სიკვდილის შემდეგ, ლექსი ,,ტირილი პროსპექტზე მთვარიან ღამეში" მიუძღვნა.
1921 წელი
დაკრძალვის ადგილი
პატივისცემის ნიშნად, მარო სამხედრო ტაძრის გალავანთან, გამვლელებისთვის სპეციალურად თვალსაჩინო ადგილას დაკრძალეს.
1921 წელი
ცხედრის მთაწმინდაზე გადასვენების საკითხი
ქართველ მწერლებს, პაოლოსა და ტიციანის თაოსნობით, მაროს ცხედრის მთაწმინდაზე გადასვენება სურდათ, თუმცა, მაროს მამამ - კოტე მაყაშვილმა, ისინი უარით გაისტუმრა იმ მიზეზით, რომ მისი აზრით, ამას ახალი მღელვარება მოჰყვებოდა - ,,ახალი მსხვერპლის გაღების უფლება კი ქართველობას აღარა აქვს, ფიზიკურად გაწყდება ახალგაზრდობაო”.
1921 წელი
მარო მაყაშვილის საფლავი
ბოლშევიკებმა ტაძარი დაანგრიეს და იუნკერების საფლავებთან ერთად, მარო მაყაშვილის საფლავიც მოსპეს.
1921 წელი
ტიციანის სიტყვა მაროს დაკრძალვაზე
მაროს დაკრძალვაზე ტიციან ტაბიძემ თქვა: ,,წარმოუდგენელია მეტი მწუხარება, რასაც განიცდის ქართველი საზოგადოება ამ ტრაგიკული სიკვდილის გამო. ბევრი მებრძოლი მხედარი იმსხვერპლა ამ ბრძოლამ, ბევრს კიდევ იმსხვერპლებს, მაგრამ ასეთი უცაბედი სიკვდილი უფრო მტანჯველია მაინც. თითქოს სიწმინდემ აკურთხა პირველ უმანკო სისხლით ქართული ფრონტი და ისიც მარიამისა. სამშობლოს სიყვარული კიდევ ბევრ ლანდს გააჩენს ჟანა დ’არკისა და კიდევ მეტ სასწაულს პატრიოტიზმისას’’.
12 ივნისი
1918 წელი
1919 წელი
1919 წელი
1919 წელი
17 თებერვალი
17 თებერვალი
19 თებერვალი
თებერვალი
1921 წელი
1921 წელი
1921 წელი
1921 წელი
1921 წელი