ფინანსთა და ვაჭრობა-მრეწველობის სამინისტრომ გამოსცა ბრძანება, რომელიც პროფესიულ კავშირებს უკრძალავდა საწარმოების შიდა სამზარეულოში ჩარევას.

ქართული კლუბის საზაფხულო შენობაში გაიმართა ქართველ ვაჭარ-მრეწველთა კრება, რომელსაც 200-მდე ადამიანი დაესწრო. კრება გახსნა თავმჯდომარე იასონ ლორთქიფანიძემ.

სოფელ ვარციხეში, სახელმწიფო მამულში, გაიფიცნენ მუშები ეკონომიკური მოთხოვნების გამო. მათთან მოსალაპარაკებლად ჩავიდა შრომის მინისტრის ამხანაგი ერაძე და მათ პრობლემების მოგვარებას დაჰპირდა.

უცხო სახელმწიფოებთან ეკონომიკური დამოუკიდებლობის მოსაწესრიგებლად, თბილისის ვაჭრებმა დააარსეს საგარეო ვაჭრობის პალატა.

ტექნიკურ საშუალებათა უკმარისობის გამო, შემცირდა წარმოება და სოფლის მეურნეობა. დაიკეტა ბევრი ფაბრიკა. 

გაჩნდა მანგანუმის ამოღებისა და ექსპორტის განახლების შესაძლებლობა.

დაიწყო ტყიბულის მაღაროების მუშათა გაფიცვა ეკონომიკურ ნიადაგზე. მუშების მოთხოვნა იყო დღიური ხელფასის გაზრდა 100%-ით.

შედგა საქართველოს პარლამენტის სხდომა ექვთიმე თაყაიშვილის თავმჯდომარეობით. განიხილეს კანონპროექტი შავი ზღვის სანაპიროს რკინიგზის დამთავრების შესახებ.

ეკონომიურ-ფინანსურ სფეროში მოღვაწეთა ინიციატივით დაარსდა საქართველოს ეკონომიური საზოგადოება.

დამფუძნებელი კრების დეკრეტის მიხედვით, სახელმწიფო ხაზინიდან მთავრობას განკარგულებაში გადაეცა ოცი მილიონი მანეთი - ევროპაში კომერციული სააგენტოების დასაარსებლად და ეკონომიკური მისიის გასაგზავნად.

საქართველოს დემოკრატიული რესპუბლიკის დამფუძნებელმა კრებამ მიიღო „კანონი სახელმწიფო ბანკის დაარსების შესახებ“, რითაც ქვეყანაში საბანკო სისტემის მარეგულირებელი და ეროვნული ფულად-საკრედიტო პოლიტიკის განმახორციელებელი ორგანოს კანონიერ ფუნქციონირებას ჩაეყარა საფუძველი. კანონს ერთვოდა წესდება, რომელშიც საქართველოს სახელმწიფო ბანკის დანიშნულება, სტრუქტურული მოწყობა, საწესდებო კაპიტალი და უფლება-მოვალეობანი იყო განმარტებული.

შინაგან საქმეთა სამინისტრომ ერობებს აცნობა, რომ ჯარში გაწვეულ პირთა ოჯახებს დახმარება მიეცემოდათ ხაზინიდან, თუ ასეთი ოჯახის ეკონომიკური მდგომარეობა გაუარესებული იყო სამხედრო წვევამდელის ჯარში გაწვევის გამო.

საქართველოს სახელმწიფო ბანკი ამოქმედდა. კანონის შესაბამისად, აღნიშნულ სტრუქტურას დაარსების პირველივე დღიდან „საქართველოს სახელმწიფო ბანკი“ ეწოდა. მისი ძირითადი ფუნქცია იყო ფულის მიმოქცევისა და რესპუბლიკის ფულადი ნიშნების სტაბილურობა, აგრეთვე, ვაჭრობის, მრეწველობისა და სოფლის მეურნეობის განვითარებისათვის მოკლევადიანი სესხების გაცემა. საქართველოს სახელმწიფო ბანკის პირველ თავმჯდომარედ აირჩიეს ცნობილი ქართველი ფინანსისტი, ბანკირი იასონ ლორთქიფანიძე.

მთავრობის თაოსნობით, თბილისის თვითმმართველობის დარბაზში ჩატარდა თათბირი რესპუბლიკის ეკონომიკური მდგომარეობისა და პირველადი მოთხოვნილების საგნების გაძვირებასთან დაკავშირებით. თათბირს თავმჯდომარეობდა სამხედრო მინისტრი, საქართველოს მთავრობის თავმჯდომარის მოადგილე, გრიგოლ ლორთქიფანიძე. მოხსენებით გამოვიდა ფინანსთა მინისტრის მოვალეობის შემსრულებელი სიმონ ავალიანი.

საქართველოს საკათალიკოსო საბჭომ, სამღვდელოების მეორე ყრილობის თანახმად, შუამდგომლობა აღძრა, რომ უქმე დღეების რიცხვი გაზრდილიყო. თუმცა, სამინისტრომ უპასუხა, რომ აღნიშნული დღეები არ სარგებლობდა საკმარისი პოპულარობით. ამასთან, ზედმეტი უქმე დღეები რესპუბლიკის ეკონომიკურ მდგომარეობასა და მუშათა კლასზე უარყოფითად იმოქმედებდა, ამიტომ უქმე დღეების რიცხვი არ გაზრდილა.

საქართველოსა და რუსეთს შორის სავაჭრო-სატრანზიტო ხელშეკრულების პროექტის განსახილველად, ჩატარდა მეორე სასწრაფო სხდომა. სხდომას ესწრებოდა საქართველოს ეკონომიკური მისიის მრჩეველი ა. კანდელაკი, დამფუძნებელი კრების წევრები, სახელმწიფო ბანკის მმართველი და სხვები.

ქრისტინეს მოხსენების თანახმად, დამფუძნებელთა კრებამ დაამტკიცა საქართველოს სახელმწიფო ბანკის ფინანსური უზრუნველყოფის საკითხი და მათი მუშაობის პრინციპები, შესაბამისი დეკრეტის გამოცემით.

დამფუძნებელმა კრებამ ექვთიმე თაყაიშვილის მიერ მოთხოვნილი თანხა, დამფუძნებელი კრების ბიბლიოთეკისათვის, გაზარდა 3 მილიონ მანეთამდე.